ঐশানু 

এটি বিশেষ পথৰ বাটৰুৱা মই 

~হীৰক জ্যোতি~ 

দেখাত একেই যেন লাগে,

সেয়ে কোনেও নুবুজে চাগে।

কৈছোঁ শুনা.....

পথৰ দাঁতিতে বহা সেয়া মানুহজন

চাৰিওফালে মানুহৰ অস্থিৰ চলন,

চালো দেখিলোঁ তেওঁ তাতেও

যেন নির্জন।

পৰিলে চোৱা সেয়া অবল হৃদয়,

তুলি দিবা তুমি হয়নে নহয়?

চালো দেখিলোঁ তেওঁ পৰিয়ে ৰ'ল,

শুনিলো “আহা যাওগৈ ব'ল।

এতিয়াও চোন তেওঁ পৰিয়ে ৰ'ল।

হয়, এই পথেৰে যায়, বহুতে যায়,

পিছে সকলোৱে জানো ঠিকনা পায়।

পথৰ দাঁতিতে কিনো হেৰায়, 

হয় এই পথেৰে বহুতে যায়।

চালেওনো কিমান চাম, আকৌ সেই পথে

উভতি যাম।

এতিয়ানো কোনে কাৰ বাবে ৰয়,

পার্থক্যও সঁচাই হৃদয়ৰে হয়।

এটি বিশেষ পথৰ বাটৰুৱা মই।।

**** 

কুলি

~ সাহিদা খাতুন~

কুসুমাকৰ কুঞ্জ কাননে কৃষ্ণ চুড়ায়

কুলিৰ কুউ কুউ কুহৰণ,

কুসুম কাননে কুলি কেতেকীৰ

কোকিল কণ্ঠৰ কূজন।

কুলি কুহকিনী কাউৰী কূলত কণী

কুলৰ কুলপঞ্জী,

কুলি কপটীয়াৰ কূটনীতিত

কাউৰী কুল বিনাশী।

কিংবদন্তী কিচ কিচিয়া কুলি

কবিৰ কবিতাৰ কলি,

কোকিল কণ্ঠই কুলিৰ কৃতিত্ব

কুটুম্ব কলা কুলি,

কবিৰ কৌতুহল কদাকাৰ কুলি

কবি কাননে কবিতাৰ কুণ্ডুলি।

কুলি কয়, ক্রন্দসীৰ কোন কাননে কুসুমাৰৰ

কোন কূপ কুৰঙয় ?

কুৱেট, কোৰেশিয়া, কাবুল, কান্দাহাৰ

কলম্বিয়া, কানাডায়,

কাশ্মীৰ, কিৰিটি, কন্যাকুমাৰী কুঞ্জবনে

কপিতা, কদমণি, কৃষ্ণাচুড়ায়,

কিৰিং, কট্টাৰ, কুঞ্জবনে কৌতুহলী

কোকিল কণ্ঠৰ কুলি,

কোন কাৰিকৰে কুন্দত কাটিলে

কুমলীয়া কৃষ্ণাঙ্গ কুলি  ?