ঐশানু 

উৎসৰ্গিত দেশৰ স্বাৰ্থত

~ড৹ ইকবাল হোচেইন খান~

আমাৰ চিন্তা-চেতনা ,কথা-বতৰা কবিতা হওক ।

অন্ত পৰক বিভাজনৰ বেমেজালি ,

হৃদয়ে বাজক মানৱতাৰ গান ।

কবিতাৰ শব্দত আলোকিত হওক জীৱন,

জীৱনৰ বাবেই হওক কবিতা ।

ঘামত থাকক গভীৰতাৰ মৰ্ম

সফলতাৰ মৰ্ম - কৰ্মই ধৰ্ম

এৰি দিয়া হওক বাজে চিন্তা

সাৰ্থক হওক ভাৰত মাতা।

কল্যাণ সকলোৰে ঘৰে ঘৰে বাহৰ পাতক

হাঁহিৰে সকলোৱে উপভোগ কৰক জীৱন

বাজক সাম্যৰ গান

বাঢ়ক জীৱনৰ মান ।

এয়াই হওক গণতন্ত্ৰৰ বাৰ্তা ,

নেতৃত্বৰ দায়ৱদ্ধতা ।

আমি ভাৰতীয় জনসাধাৰণ

এটি দীঘলীয়া সংগ্ৰামৰ ফচল,

এটি প্ৰতিশ্ৰুতি , এটি সংকল্প

সকলোৰে বাবে ন্যায়

ঘৰে ঘৰে বৈ যাব শান্তিৰ নৈ ।

এয়াই কাম্য

এয়াই শপত

সংবিধানৰ দৰ্শন

বাস্তৱৰ পোহৰ

আস্থাৰ গণতন্ত্ৰ

বিকাশৰ স্তম্ভ ।

বিশ্বত আমি

আমি শ্ৰেষ্ট

আমি ভাৰতীয়

আমি গৰ্বিত

আনন্দ কৰ্মত

উৎসৰ্গিত দেশৰ স্বাৰ্থত ।

**** 

শৰ সময়ৰ

~কানন দাস~ 

বহুত চেষ্টা কৰিলোঁ

এটা কবিতা লিখিবলৈ,

কিন্তু বিমোৰত পৰিছোঁ

বহুত শব্দ আৰু ভাষা মিলে

পঢ়া কোনোবা কবিতাৰ লগত

মন যায় পখিলাৰ পাখি লগাই

আকাশী পথেৰে উৰি যাম

সেই দেশলৈ

য'ত পৰী সকলে 

বিচৰণ কৰে পবিত্ৰ মনেৰে

কোনোবাৰ ফৰিয়াদ শুনিবলৈ,

অকণমান শান্তিৰ সাতৰঙী

বোকোচাত আৱৰি লৈ

নিৰাময়ৰ পবিত্ৰ জেউতিৰে নিচুকাবলৈ।

মন যায় মোৰ অৱচেতন মনৰ

গভীৰতালৈ গৈ

স্তৰিভূত হোৱা খাজনাবোৰ খামুচি উলিয়াম

বাস্তবিক ৰূপ চাবলৈ

আছেনে বাৰু মানৱীয় ডোৰ !

দুৰ্বল শৰীৰত লুকাই থকা শক্তিশালী মন মন্দিৰ প্ৰতিষ্ঠা

তাহানিয়ে দেখোন হৈছিল

আজি দুৰ্বলতাক প্ৰশ্ৰয় কিয়?

কল্পতৰু বৃক্ষৰ তল সৰা

ধৱল কান্তি এবাৰেই চমকে

সময়ৰ শৰ নৰয় কাৰো বাবে

****